Die jongste oor Zimbabwiese burgers met ZEP permitte; die Parys-waterkwessie
Wat staan werkgewers van Zimbabwiese burgers met ZEP-permitte wat in Junie 2023 verval, te doen?
En waar staan sake om Parys en omstreke van rioolbesette water te red?
Mari Hudson het gaan uitvind in My Mooi Dorp.
Lees meer oor die ZSP/ZEP permit
Skryf aan gesond@rsg.co.za indien julle raad/die naam van ‘n konsultant wat kan help, van NEASA wil ontvang.
https://www.news24.com/news24/southafrica/news/zimbabwean-exemption-permit-court-battle-underway-to-stop-arrests-deportations-20220727
https://www.bloomberg.com/news/articles/2022-06-15/south-african-plan-to-end-zimbabweans-permits-faces-challenge
Agtergrond-inligting oor die Parys-waterkwessie
In ‘n noodvergadering Vrydag het die Ngwathe Munisipalteit ontken dat daar ‘n waterverskaffingsprobleem is, of dat die water besoedel is. ‘n Besoek deur Afriforum Vrydag aan Tumahole het getoon dat twee van drie watwertenks, wat ver van inwoners geleë is, leeg is en dat ‘n derde nie ‘n kraan het waaruit water getap kan word nie. Afrikforum het weereens monsters laat toets. Ons sal Maandag uitvind wat verder gebeur.
AfriForum plaas Ngwathe-munisipaliteit oor besoedelde drinkwater op terme
AfriForum het vandag die Ngwathe Plaaslike Munisipaliteit op terme geplaas oor die haglike toestand van die drinkwater in Parys. Die resultate van die laboratoriumtoetse deur die drukgroep, Save Ngwathe, toon duidelik dat die drinkwater vuil is en dat daar E. Coli-bakterieë in die kraanwater teenwoordig is, wat beteken daar is rou riool in die water. Die watermonsters is in Tumahole en in die sakekern geneem. Dit is kommerwekkend dat menigte mense in Parys met maagprobleme sukkel aangesien ons ’n situasie soos vroeër in Bloemhof, waar mense weens besoedelde drinkwater gesterf het, ten alle koste wil vermy. AfriForum het die Ngwathe-munisipaliteit 24 uur gegee om drasties by die toestand van die drinkwater in te gryp. Indien daar binne 24 uur nie ’n daadwerklike verandering is nie, sal AfriForum alle remedies beskikbaar uitput om toe te sien dat Parys se inwoners skoon drinkwater het.
Hierdie haglike omstandighede in Parys dui op die munisipaliteit se onbevoegdheid. Alhoewel hulle ’n ooreenkoms van samewerking met AfriForum onderteken het, het hulle tot op hede nog niks van hulle verpligtinge in die ooreenkoms nagekom nie. AfriForum het hulle van beloofde verslae oor die water- en die rioolwerke voorsien asook ’n raamwerk waarvolgens hulle te werk moes gaan om die toestand van beide werke te verbeter. Niks is egter gedoen nie.
“Dit blyk asof die munisipaliteit glad nie die gemeenskap se belange op die hart dra nie, aangesien hulle die gemeenskap eerder met vuil water vergiftig as om bekwame mense, wat tot hulle beskikking gestel word, te gebruik om hierdie probleme op te los,” sê Jaco Grobbelaar, AfriForum se streekshoof vir die sentraalstreek.
“As enige iemand ooit daaraan getwyfel het dat die Ngwathe Plaaslike Munisipaliteit onbevoeg is, het hierdie kwessie dít nou bewys. Saam met ander organisasies wat vir die gemeenskap omgee, soos die Save Ngwathe-groep, sal ons hierdie saak nie daar laat nie, want ons gemeenskappe het die reg op skoon drinkwater,” sê Alta Pretorius, AfriForum se distrikskoördineerder vir die Mooirivier.
