‘n Nuwe uitbreking van Afrika-varkgriep is onlangs naby Groeneweide Park naby George aangemeld. Die gebied is onder kwarantyn geplaas.

Dr. Mike Wallace van Geografiese Inligtingstelsel in die Wes-Kaap vertel van die lug-en-grond-waarnemingsensus.

‘n Markplek vir landbou-insette is onlangs bekendgestel. Michael Prinsloo, voorheen van Overberg Agri, is aan die stuur daarvan. Hy praat oor die voordele hiervan vir boere.

Suzaan Smit, president van die Swellendam Landbouskou, vertel wat skougangers vanjaar kan verwag.

Francois Auret, ‘n landboukundige, bespreek die inhoud van sy MBA-navorsingstudie wat handel oor die uitwerking van klimaatsverandering op die Suid-Afrikaanse tafeldruifbedryf.