Luister op Oukersaand en op Kersdag na Salon Musiek se Klassieke Kerskonsert
RSG Luisteraars kan vanjaar inskakel op die Salon Musiek Kerskonsert wat in 2 aflewerings op Kersdag uitgesaai word.
Linelle Wimbles
Albertus Engelbrecht
Die soliste is die sopraan Linelle Wimbles en die tenoor Albertus Engelbrecht. Die Gauteng Filharmoniese Orkes staan o.l.v. Carel Henn.
Die opname is gemaak in die M1A ateljee by die SAUK in Auckland Park met Marnus Greyling voor die pyporrel.
Marnus Greyling
’n Feestelike program van klassieke Kersfeesmusiek, vokaal en instrumentaal, is spesiaal saamgestel deur Willem Vogel, wat ook die regie van die produksie behartig.
Kersliedere soos In die stad van Koning Dawid, Cantique de Noël, Somerkersfees, Joy to the World en Heidschi bum Beidschi word afgewissel met gewyde werke uit die Messias van Handel, Agnus dei van Bizet, ’n Ave Maria uit Ysland, Allelujah vir tenoor en trompet van Fux en daar is selfs ’n uittreksel uit die Neutekraker van Tchaikovsky.
