Luister van 2 Januarie elke Donderdagaand om 20:00 na RSG se uiteenlopende dokumentêre en deurkruis Suid-Afrika om sy mense, diere, dorpe en selfs sy soutpanne beter te leer ken.

23 Januarie
Die ander Jamestown
Haidee Muller-Isaacs reis op Donderdag 23 Janurie na die ander Jamestown – ook bekend as Webersvallei. Luisteraars leer ken die mense en kultuur van dié klein dorpie buite Stellenbosch.

Lees meer: https://www.rsgplus.org/donderdagaand-dokumenter-oor-jamestown/

30 Januarie

Mariëtta Kruger

Dan kuier Ina Strydom op Donderdag 30 Januarie by die veteraan-uitsaaier Mariëtta Kruger, wat beide televisie en radio in Afrikaans met haar professionaliteit laat skitter het. Wie is die mens agter hierdie tydlose stem?

6 Februarie
Conrad Theys: Die laaste Kaapse Impressionis
Op Donderdag 6 Februarie om 20:00 gaan kuier Johan van Lill by Conrad Theys, die laaste Kaapse impressiones. Hierdie veelbekroonde kunstenaar woon in Bellville-Suid en is al met die ‘n toekenning van die ATKV vir sy lewensbydrae bekroon.

13 Februarie
Die skatkis van die SAUK
Die daaropvolgende week, op Wêreldradiodag, gaan snuffel Elsje van Jaarsveld in die SAUK se argief – ‘n skatkis van kosbare klank. Hoe en waar word al hierdie skatte bewaar? En wie is die mense wat daagliks verseker dat alle uitsendings vir die nageslag bewaar word?

20 Februarie
Swartskops se seesout panne
Op 20 Februarie gaan Jacques Arendt by Swartkops se soutpanne inloer. Die panne is bekend om sy braaisout wat op talle luisteraars se tjoppies en in hul kospotte beland. Hoe beland die seewater in die panne en hoe woord die braaisout vervaardig?

27 Februarie
Paroolwet moet verander
Ilse Salzwedel, aanbieder van Skrywers en boeke, praat op 27 Februarie met verskeie slagoffers asook kenners oor die verandering van die Paroolwet.

6 Maart
Die week daarna gaan kuier Ettienne Ludick by die Liedjieboer wat klassieke treffers vir Sonja Herholdt en Laurika Rauch geskryf het. Anton Goosen, wat steeds albums vervaardig en konsert hou, vertel meer oor die mens agter die kunstenaar.

13 Maart
SKA in Boesmanland
Op 13 Maart reis Jacqui January deur die Boesmanland – ‘n uitgestrekte wêreld propvol kontras. Dit is die tuiste van die oudste inheemse kultuur en is as ‘t ware ‘n tweede wieg van die mensdom, maar ook die plek waar die SKA-teleskoop gehuisves word. Hoe trou die “oudste kultuur op aarde” met wêreldtegnologie?

Boesmanland! die tuiste van die oudste inheemse kultuur/ kennis oor plante en die natuur! In kontras – nou ook tuiste van een van die mees gevorderde tegnologiese ontwikkelings op aarde, SKA… (Square Kilometre Array) Suid-Afrika se leuse is in dié byna uitgestrowe  taal: ! ke e: /xarra //ke – “diverse mense verenig”. Genetiese getuienis dui daaop dat dit die oudste kultuur op aarde is. Hoe “trou die twee met mekaar” ?

Dr Anton Binneman, waarnemende hoof van kommunikasie by die NNS SARA  en Boesmanland se mense gesels saam. Professor Josef de Beer gesels ook saam. Hy het sy PhD studie gedoen oor die medisinale/gebruiks plante van die Boesmanland en die unieke farmakologie wat daarmee geassosieer word.

Dis gevorderde wêreld-tegnologie in die wieg van die oorsprong van die mensdom.

20 Maart
Kaapstad en Tafelberg se kabelkar is bykans 100 jaar oud en Johan Rademan gaan op 20 Maart meer uitvind oor hierdie toeriste-attraksie wat steeds jaarliks derduisende besoekers lok.

Klik hier vir meer inligting oor die dokumentêr.

27 Maart
Die kleur van lakens
Die dokkie-seisoen word op Donderdag 27 Maart afgesluit met Tharien Oosthuizen se 48 uur saam met ‘n traumaberader, dr. Rian Steenkamp. Hy werk met mense en families wat moet worstel met enigiets wat ‘n lewe bedreig – van ongelukke tot siekte. Daar is min hospitale in Suid-Afrika wat traumaberading bied en dr. Steenkamp vertel van sy daaglikse uitdagings.

Luister weer

2 Januarie
Die seisoen skop op Donderdag 2 Januarie om 20:00 af met die omroeper Kobus Rudolph se program oor die Bergklub van Suid-Afrika, die reddingsdienste wat hul bied, die verskillende vorme van bergklim asook hul rol in die bewaring van die natuur.
Lees meer oor dié dokumentêr.

9 Januarie

Kaalkop die Waarheid
‘n Week later laat val Flip Loots die soeklig op haarverlies – ‘n dilemma vir talle jong én ouer mans. Wat is die redes daarvoor en hoe beïnvloed dit die manier hoe mans sosialiseer? Die dokkie bekyk ook moontlike oplossings.