Daar is ’n nuwe kinderboek wat die meeste van die wêreld se godsdienste en geloofsfilosofieë van A tot Z belig en verduidelik, sonder om ‘n waardeoordeel uit te spreek.

Prof Lizette Rabe

Professor Lizette Rabe se jongste kinderboek, STERRETJIEKIND NALEDI EN ONS EERSTE STORIES, het pas verskyn. Dit word beskryf as ‘n lees-, dink-, knip-, teken- en plakboek vir kinders en hulle oumas (en oupas, en ma’s en pa’s, en onderwysers) oor die wêreld se godsdienste en oortuigings, en hoe om die wêreld ʼn beter plek vir al haar kinders te maak.

Lizette is die voormalige hoof van die departement joernalistiek aan die Universiteit Stellenbosch.