Tharien Oosthuizen

Een van Tharien Oosthuizen se groot liefdes is Musiekgeskiedenis.

Al die spesialisreekse wat sy al vir RSG gemaak het, is gegrond op haar kennis van die geskiedenis van musiek. Haar nuwe reeks, Die storie deur harmonie, is nog ‘n spesialisreeks waar luisteraars ‘n dieper kennis kan ontdek en beleef van die genre programmusiek.

Programmusiek is ‘n musiekgenre wat al vir eeue bestaan. Dit het veral in die Romantiese tydperk, – van die laat 1800’s – ontwikkel tot ‘n verfynde genre.

Komponiste het musiek gekomponeer wat ‘n storie vertel. Die instrumentale musiek beeld ‘n storie, natuurtoneel, fabel, mitiese karkater of nasionalistiese ideologie uit.

Die kuns om met instrumente ‘n beeld te skilder het komponiste, van die Romantiese tydperk tot hedendaagse komponiste, vervolmaak.

Smetena

Vivaldi

Musiek wat in die reeks gehoor kan word is van komponiste soos Bach, Vivaldi, Haydn, Beethoven, Tjaikofski, Smetena, Saint-Saens en nog baie meer.

Kom luister Sondae om tienuur na die storielyne van die bekendste programmusiek en wat die storie is wat die komponiste deur middel van harmonieë en instrumente oor vertel.