Die foto’s wat deur die James Webb-ruimteteleskoop geneem is, het wêreldwyd opslae gemaak as gevolg van die detail wat te sien is. Sterre en Planete gesels met die man wat verantwoordelik was vir die samestelling van die beelde. Dr. Anton Koekemoer werk by die Space Telescope Science Institute in Baltimore in die VSA. Hy was jare lank betrokke by die aktiwiteite van die Hubble-ruimteteleskoop. Dr. Koekemoer het in die verlede al op Sterre en Planete gepraat oor die Deep Field van Hubble en die Ultra Deep Field. Deesdae spits hy hom toe op die James Webb-teleskoop en die navorsing wat daarmee gepaardgaan.