RSG is vir agt Telkom SA Radiopryse benoem. Die gala-prysaand word vanjaar op Saterdag 30 November in Johannesburg gehou.

RSG Geldsake is benoem as beste sake-en-finansiesprogram, die radiodramas Lam vir die Pase en Soete drome is albei as beste drama program benoem, Brandpunt is as beste nuus-en-aktualiteitsprogram uitgesonder, Marietta Kruger is as beste nuusleser benoem en RSG Sport, aangebied deur Carla McKenzie, is as beste sportprogram benoem.

RSG en AVBOB se regstreekse huldigingskonsert vir die digter Diana Ferrus is as beste aanbieding of promosie benoem en RSG en 7de Laan se matriekafskeidprojek is as beste gemeenskapsprojek benoem.

Die benoemings vir lewensprestasiepryse asook Stasie van die Jaar word aanstaande week aangekondig