Die tema “Wat het jy in jou hand?” is geïnspireer deur die idee dat elke persoon reeds iets waardevols het – of dit nou talent, hulpbronne of unieke omstandighede is. Hierdie reeks fokus op individue en gemeenskappe wat kreatief en vindingryk gebruik maak van wat hulle tot hul beskikking het om ‘n positiewe impak te maak op hul geloofsgemeenskappe en die breër samelewing. Die tema sluit aan by die Bybelse beginsel van rentmeesterskap en die gebruik van jou gawes tot eer van God.

Die reeks van 13 episodes word aangebied deur Lizelle de Bruin.

Doel van die reeks:

• Om inspirerende stories van geloofsgemeenskappe en individue regoor Suid-Afrika uit te lig.
• Om te wys hoe mense gebruik maak van hul unieke gawes, tradisies, kultuur en omstandighede om hul geloof uit te leef.
• Om luisteraars aan te moedig om self na te dink oor wat in hul hand is en hoe hulle dit tot voordeel van ander kan aanwend.

Struktuur van elke episode:

1. Inleiding: Kort oorsig van die tema van die week.
2. Hoofsegment: Vertelling van ‘n spesifieke verhaal of praktyk, met klankgrepe van betrokke mense.
3. Refleksie: Bespreking oor hoe hierdie storie aansluit by die groter tema van geloof, kreatiwiteit en diensbaarheid.
4. Afsluiting: Vrae of gedagtes vir luisteraars om oor na te dink.

Voorgestelde opvolg: “Wat het jy in jou hand?” kan uitgebrei word deur die fokus op gemeentes in verskillende areas te plaas. Ons vra aan die leraar: Wat het jy in die hand? Onderhoude sal gevoer word met mense wat betrokke is by geloofsprojekte of leiersrolle, soos die predikant, kerkraad of gemeentelede. Die fokus sal op die saamwerk van die geloofsgemeenskap val.

Voorgestelde episodes vir opvolg:

1. Grootte Kerk, Kaapstad
   Intergeloofsgesprek en hoe verskillende gelowe saamwerk in die stad.
2. Twee Torings, Bloemfontein
   Die kerk se fokus op behoeftes in die middestad en gemeenskapsbediening.
3. Nasionale Kruger Wildtuin gemeente
   Die rol van stopers in die geloofsgemeenskap en hoe hulle betrokke is.
4. VGKSA, St Helenabaai
   ‘n Vissersgemeenskap se geloofsprojekte en samewerking.
5. Bikers Kerk
   Hoe hierdie unieke geloofsgemeenskap mekaar ondersteun en diens doen.
6. Maranatha Gemeente
   ‘n Voorbeeld van hoe kreatiewe projekte die geloofsgemeenskap bou.
7. Katolieke Kerk, Natal
   Onderhoud met Ds. Jacobus de Bruin oor hul gemeenskapswerk.
8. Die NG Kerk in Matjiesfontein (Wes-Kaap)
   Hierdie Victoriaanse styl kerk in die klein historiese dorpie wys hoe ‘n klein gemeente erfenis kan gebruik om besoekers te trek en die geskiedenis te bewaar.
9. Die Boomkerk (Magoebaskloof, Limpopo)
   ‘n Kerk wat geheel en al uit lewende bome bestaan, simboliseer die eenheid tussen natuur en geloof.
10. Die St. Augustine’s Katedraal (Port Elizabeth, Oos-Kaap)
    Bekend vir sy gemeenskapswerk, wys hierdie kerk hoe groter geloofsgemeenskappe hul hulpbronne kan gebruik vir sosiale impak.