Verlede jaar was die warmste jaar sedert daar met die optekening van temperature begin is. In Suid-Afrika, soos in die res van die wêreld, was daar etlike natuurrampe, en droogtes in ons noordelike buurlande duur voort. In Suid-Afrika het die somerreën besonder laat gekom, en nou reën dit al vir dae aaneen in groot dele van die land, wat ook skade veroorsaak. Talle saaiboere moes al ‘n tweede keer plant. Ons praat hieroor met professor Francois Engelbrecht, direkteur van Wits se Global Change-instituut.